مطرب المهرجانات كزبرة يغير اسمه من أجل التمثيل.. تفاصيل

أعلن مطرب المهرجانات الشعبية كزبرة، استخدام اسمه الحقيقي أحمد بحر بدلا من اسم كزبرة من أجل التمثيل، وذلك خلال لقائه مع الإعلامية لميس الحديدي.

وقال كزبرة: اسم العائلة بحر والناس حبت اسم كزبرة، لكن هغيره بسبب التمثيل، أنا هدفي الأول كان التمثيل ولجأت للغناء على السوشيال علشان مكنتش عارف أوصل لهدفي.

وتابع: في الأساس كنت عاوز أمثل، لكن لكوني منحدر من منطقة شعبية مكنتش عارف أعمل إيه علشان أمثل، وبدأت أعمل أي حاجة تساعدني زي إني أغني أو أعمل اسكتشات.. أي حاجة المهم حد يشوفني.

وأضاف: لجأت للسوشيال ميديا علشان أتشاف، أنا بمثل إني بغني، وحلمي بكر مافهمش أنا عايز أقدم إيه، وماقدرش أتخانق معاه ده أستاذ كبير، وكان في سوء تفاهم ومفهمنيش أنا حابب أقدم إيه؟، فحولت الموضوع لسكتش بسيط.

ومن الجانب الآخر ينتظر كزبرة، عرض مسلسله كوبرا في رمضان المقبل، وهو من بطولة النجم محمد إمام.